Gāndhārī Dharmapada
( use UTF-8)
|
1 na jaḍa’i na goteṇa na yaca bhodi bramaṇo yo du brahetva pavaṇa aṇu-thulaṇi sarvaśo brahidare va pavaṇa brammaṇo di pravucadi. (1) O.2
2 ki di jaḍa’i drumedha ki di ayiṇa-śaḍi’a adara gahaṇa kitva bahire parimajasi. (2) 3 yasa dharmo vi’aṇe’a same-sabudha-deśida sakhaca ṇa namase’a agi-hotra ba brammaṇo. (3) 4 na yaca brammaṇo bhodi na trevija na śoti’a na agi-parikirya’i udake orubaṇeṇa va. (4) 5 purve-nivasa yo uvedi svaga avaya ya paśadi atha jadi-kṣaya prato abhiñ-vosido muṇi, (5) 6 edahi trihi vijahi treviju bhodi brammaṇu vijacaraṇa-sabarṇo brammaṇo di pravucadi.(6) 7 trihi vijahi sabarṇo śadu kṣiṇa-lokasya brammaṇo di pravucadi. (7) 8 taveṇa bramma-yiryeṇa sañameṇa dameṇa ca edeṇa brammaṇo bhodi eda brammaña utamu. (8) 9 china sodu parakamu kama praṇuyu bramaṇa na apraha’i muṇi kama ekatvu adhikachadi. (9) 10 china sodu parakamu kama praṇuyu bramaṇa sagharaṇa kṣaya ñatva akadaño si brammaṇa. (10) 11 na brammaṇasa hadara nasa muje’a bramaṁi dhi bramaṇasa hadara tada vi dhi yo ṇa mujadi. (11) 12 madara pidara jatva rayaṇa dvayu śotri’a raṭha saṇayaraI jatva aṇiho yadi brammaṇo. (12) 13 rayaṇa pradham jatva pariṣa ja aṇadara doṣi sa-señaka jatva aṇiho yadi brammaṇo. (13) 14 yada dva’eṣu dharmeṣu parako bhodi brammaṇo athasa sarvi sañoka asta=ģachadi jaṇada. (14) 15 na bramaṇasediṇa kiji bhodi yo na nisedhe maṇasa pri’aṇi yado yado y=asa maṇo nivartadi tado tado samudim aha saca. (15) 16 brahetva pavaṇi brammaṇo sama’irya śramaṇo di vucadi parvahi’a atvaṇo mala tasa parva’ido di vucadi. (16) 17 na aho brammaṇa bromi yoṇeka-matra-sabhamu bho-va’i namu so bhodi sayi bhodi sakijaṇo akijaṇa aṇadaṇa tam aho bro mmaṇa. (17) 18 niha’i daṇa bhudeṣu traseṣu thavareṣu ca yo na hadi na ghadhedi tam aho bromi bramaṇa. (18) 19 yo du drigha ci rasa ji aṇo-thulu śuhaśuhu loki adiṇa na adi’adi tam aho brommi bramaṇa. (19) 20 yo du kama prahatvaṇa aṇakare parivaya kama-bhoka-parikṣiṇa tam aho bromi bramaṇa. (20) 21vari puṣkara-patre va arage-r-iva sarṣava yo na lipadi kamehi tam ahu bromi brammaṇa. (21) 22 akakaśa viñamaṇi gira saca udira’I ya’i naviṣa’i kaji tam ahu bromi brammaṇa. (22) 23 yasya ka’eṇa vaya’i maṇasa nasti drukida savrudu trihi ťthaṇehi tam aho bromi brammaṇa. (23) 24 vaśada varada mana-bhaṇi aṇudhada artha dharma ja deśedi tam aho bromi brammaṇa. (24) 25 vaśada varada mana-bhaṇi aṇudhada utamatha aṇudhada utamatha aṇuprato tam aho bromi brammaṇa. (25) 26 yasya rako ca doṣo ca avija ca vira’ida kṣiṇasavu arahada tam ahu bromi brammaṇa. (26) 27 yasya rako ca doṣo ca maṇu makṣu pravadido paṇa-bhara visañutu tam ahu bromi brammaṇo. (27) 28 akrośa vadha-baña ca aduṭhu yo tidikṣadi kṣadi-bala balaṇeka tam ahu bromi brammaṇa. (28) 29 avirudhu virudheṣu ata-daṇeṣu nivudu sadaṇeṣu aṇadaṇa tam aho bromi brammaṇa. (29) 30 yo idheva pre’aṇadi dukhasa kṣaya atvaṇo vipramutu visañutu tam ah bromi brammaṇa. (30) 31 navaja’i navijapu pavaka na vicida’i sadaśam atha-daśavi tam aho bromi bramaṇa. (31) 32 asatsiṭha ghahaťḥeḥī aṇakraehi y=uha’i aṇova-sari apicha tam aho brommi brammaṇa. (32) 33 aradi radi ca yo hitva sabrayaṇo pradisavado sarva-bhava-parikṣiṇa tam aho brommi brammaṇa. (33) 34 yasa pure ya pacha ya ………………….i akijaṇa aṇadaṇa tam ahu brommi brammaṇa. (34) 35 yasa pari avare ca para……………… vikada-dvara visañota tam aho brommi brammaṇa. (35) 36 chitvaṇa paja saṃdaṇa ……………………. nani-bhava-parikṣiṇa tam ahu bromi bramaṇa. (36) 37 ruva=chada rasa gana phaṣa dhama ya kevala praha’i na paritasadi tam ahu brommi brammaṇa. (37) 38 patsukula-dhara jadu kiśa dhamaṇi-sadhada jayada rukhu-mulasya tam ahu brommi bramaṇa. (38) 39 eṇe-jaģa kiśa vira apahara alolubhlu apaťha apa-kica ji tam ahu brommi brammaṇa. (39) 40 akrodhu aṇuvayasaṃ viprasana aṇavila cadra ba vimali śudhu tam ahu bromi brammaṇa. (40) 41 …………….ra dhira (?) …….h ……viyidaviṇo aṇiha ṇadaka budhu tam ahu bromi bramaṇa. (41) 42 chetva nadhi valatra ya sadaṇa samadikrammi ukṣita-phali’a vira tam aho brommi brammaṇa. (42) 43 yasa gadi na jaṇadi deva ganava-maṇ…… tadhakadasa budhasa tam ahu brommi bramaṇa. (43) 44 yo cudi uvedi satvaṇa vavati ca |vi sa | rvaśo budhu adima-śarira tam aho bromi bramaṇa. (44) 45 akrodhu aṇuvayasa vipramutu puṇarbhava budhu vada-mala dhira tam aho bromi bramaṇa. (45) 46 yo du puñe ca pave ca uhu ṣaģa uvaca’i aṣaģa viraya budhu tam ahu bromi bramaṇa. (46) 47 ja’i para-kada budhu jidavi akadaggadi pruju deva-maṇuśaṇa tam ahu brommi bramaṇa. (47) 48 ja’i para-kada budhu kida-kica aṇasṛvu budhu daśabaloveda tam ahu bromi bramaṇa. (48) 49 gammira-praña medhavi margamargasa ko’i’a utamu pravara vira tam ahu brommi bramaṇa. (49) 50 diva tavadi adicu radi avha’i cadrimu sanadhu kṣatri’o tavadi ja’i tavadi bramaṇo adha sarva aho-ratra budhu tavadi teyasa. (50) 51 ka’eṇa savrudo bhikhu atha vaya’I savudo maṇeṇa savrudo bhikhu sarva druggade’o jahi. (1) 52 ka’eṇa sañamu sadhu sadhu vaya’I sañamu maṇeṇa sañamu sadhu sadhu savatra sañamu sarvatra sañado bhikhu sarva dugadi’o jahi. (2) 53 hasta-sañadu pada-sañadu vaya-sañadu savudidri’o ajatra-| rado samahido eko saduṣido tam ahu bhikhu. (3) 54 yo muheṇa sañado bhikhu mana-bhaṇi aṇudhado artha dhar| ma ci deśedi masuru tasa bhaṣida. (4) 55 śuñakare praviṭhasa śada-citasa bhikhuṇo amaṇuṣa-radi | bhodi same dharma vivaśadu. (5) 56 yado yado sammaṣadi kanaṇa udaka-vaya lahadi pridi-pramoju amudu ta vi’aṇadu. (6) (56a) śuñakare praviṭhasa śada-citasa bhikhuṇo amaṇuṣa-radi bhodi same dharma vivaśadu. (5) 57 pajagi’eṇa turi’eṇa na radi bhodi tadiśa yatha ’ekaga-citasa same dharma vivaśadu. (7) 58 nasti jaṇa aprañasa praña nasti ajayado yasa jana ca praña ya so hu | nirvaṇasa sadi’i. (8) 59 tatra’i adi bhavadi tadha prañasa bhikhuṇo idri’a-goti saduṭhi pradimukhe i ……..ro. (9) 60 mitra bhaye’a paḍiruva śudhayiva atadridi paḍisadhara-guti=sa ayara-kuśa……… tadu ayara-kuśalo suhu bhikhu vihaṣisi. (10) 61 salavhu nadimañe’a nañeṣa sviha’o si’a añeṣa sviha’o bhikhu samadhi nadhikachadi. (11) 62 apa-labho du yo bhikhu salavhu nadimañadi ta gu deva praśajadi śudhayivu atadrida. (12) 63 kamaramu kama-radu kamu aṇuvicida’o kamu aṇusvaro bhikhu sadharma parihayadi. (13) 64 dhamaramu dhama-radu dhamu aṇusvaro bhikhu sadharma na parihayadi. (14) 65 na śila-vada-matreṇa baho-ṣukeṇa va maṇo adha samadhi-labheṇa vevita-śayaṇeṇa va (15) 66 phuṣamu nekhama-sukhu aprudha-jaṇa-sevida bhikhu viśpaśa mavadi aprate asava-ksaye. (16) 67 na bhikhu tavada bhodi yavada bhikṣadi para veśma dharma samadi’i bhikhu bhodi na tavada. (17) 68 yo du baheti pavaṇa vadava bramma-yiyava sagha’i caradi loku so du bhikhu du vacadi. (18) 69 metra-vihari yo bhikhu prasanu budha-śaśaṇe duṇadi pavaka dharma druma-patra ba maduru. (19) 70 metra-vihara yo bhikhu prasanu budha-śaśaṇe paḍiviju pada śada sagharavośamu suha. (20) 71 udaga-citu yo bhikhu adhivuyu pri’apri’a adhikachi pada śada akavuruṣa-sevida. (21) 72 pramoja-baholu yo bhikhu abhivuyu pri’apri’a adhikachi pada śada aseyaṇe moyaka. (22) 73 apramada-radu yo bhikhu pramadi bhaya-daśima abhavu parihaṇa’i nivaṇaseva sadi’i. (23) 74 apramada-radu yo bhikhu pramadi bhaya-da[śima] sanoya ṇa aṇu-thula ḍahu agi va gachadi. (24) 75ja’i bhikhu ma yi pramati ma de kama-guṇa bhametsu cita ma loha-guḍa gili pramata kani dukham ida di ḍajamaṇo. (25) 76 sija bhikhu ima nama sita di lahu bheṣidi chetva raka ji doṣa ji tado nivaṇa eṣidi. (26) 77 kodhaṇa akidaña i drohiṇi parivaja’i brama-yirya cara bhikhu same-sabudha-śaśaṇi. (27) 78 paja china paje jahi paja utvari-bhava’i paja-ṣagadhi’o bhikhu oha-tiṇo di vucadi. (28) 79 savaśu nama-ruvasa yasa nasti mama’ida asata i na śoyadi so hu bhikhu du vacadi. (29) 80 alagido ya vi care’a dhamu dadu śadu sañadu bramma-yari saveṣu bhudeṣu niha’i daṇa so bramaṇo so ṣamaṇo so bhikhu. (30) 81 yo najakamo bhavaṣu sara viyiṇi pupha viva puraṇa so bhikhu jahadi o urako jiṇa viva udumareṣu. (31) 82 yo upadi[da] viṇedi kodhu visaḍa…………………. …………………orupara urako jiṇa v……ya puraṇa. (32) 83 yo maṇa udavahi aśeṣa bias ……………vikaśa so bhikhu jahadi o…..para urako jiṇa viva tvaya puraṇa. (33) 84 yo tasa udacha’i aśeṣa sar ……………śoṣa’itha so bhikhu jaha …..ora-para urako jiṇa viva tvaya puraṇa. (34) 85 yo sarva-keleśa dala’itha naḍa…………. [ma]hoho so……..khu jahadi ora-para urako jiṇa viva tvaya puraṇa. (35) 86 yo ecasari na precasari sarva ‘iha(?)…………… so bhikhu jaha……ora-para urako jiṇa viva tvaya puraṇa. (36) 87 yo necasari na precasari sarvu vidadham ida di ñatva ku so bhikhu jahadi ora-para urako jiṇa viva tvaya puraṇa. (37) 88 yasa aṇośe’a na sadi keyi oru akamaṇa’I prace’a i so bhikhu jahadi ora-para urako jiṇa viva tvaya puraṇa. (38) 89 yasa vaṇaśe’a na sadi keyi viṇavana’u bhava’i hedu-kapa so bhikhu jahadi ora-para urako jiṇa viva tvaya puraṇa. (39) 90 tina-kadaka viśala so bhikhu jahadi ora-para urako jiṇa viva tvaya puraṇa. (40) (in margin) 20 20. 91 . . . . . . . . . . . . . . . . . . . . . . . h]oru phalam icho va vaṇasma vaṇaru. 92 . . . . . . . . . . . . . . . . . . . . . . . . paśadha muto bañaṇam eva jayadi. (2) 93 . . . . . . . . . . . . . . . . . . . . . . . yi nivaṇabhodha bhikṣvi. (3) 94 . . . . . . . . . . . . . . . . . . . . . . . . . . kṣira-vayo va madara. (4) 95 . . . . . . . . . . . . . . . . . . . suheṣiṇo yokam a’edi puṇapuṇu cira’i. 96 . . . . . . . . . . ku puruṣasa kama ciṭhadu citraṇi tadheva loke athatha dhira vee’adi chana. 97 . . . . . . . . . . . . . . . . . . . [bha]va-śalaṇa sabrayaṇo pradisvado. [the remainder of the chapter is lost.] 98 uju’o namu so magu abhaya namu so diśa radho akuyaṇo namu dharma-trakehi sahado. (18) 99 hiri tasa avaramu svadi=sa parivaraṇa dhamaha saradhi bromi same-diṭhi-purejavu. (19) 100 yasa edadiśa yaṇa gihi iparva’idasa va sa vi ediṇa yaṇeṇa nivaṇaseva sadi’a. (20) 101 supra’udhu pra’ujadi imi godama-ṣavaka yeṣa diva ya radi ca nica budha-kada svadi. (21) 102 supra’udhu pra’ujadi imi godama-ṣavaka yeṣa diva ya rai ca nica dhama-kada svadi. (22) 103 supra’udhu pra’ujadi imi godama-ṣavaka yeṣa diva ya radi ca nica saģa-kada svadi. (23) 104 supra’udhu pra’ujadi imi godama-ṣavaka yeṣa diva ya rai ca nica kaya-kada svadi. (24) 105 supra’udhu pra’ujadi imi godama-ṣavaka yeṣa diva ya radi ca bhamaṇa’i rado maṇo. (26) 106 savi saghara aṇica di yada prañaya paśadi tada nivinadi dukha e[ṣo] magu viśodhi’a. (27) 107 savi saghara dukha di yada praña’i gradhadi tada nivinadi dukha eṣo magu viśodhi’a. (28) 108 sarvi dhama aṇatva di yada paśadi cakhkṣuma tada nivinadi dukha eṣo mago viśodhi’a. (29) 109 magaṇa ahaģi’o śeṭho sacaṇa ca’uri pada viraku śeṭho dhamaṇa praṇa-bhudaṇa cakhuma. (30) 110 udiṭha na pramaje’a dhamu sucarida cari dhama-cari suhu śeadi asvi loki parasa yi. (1) 111 uťhaṇeṇa apramadeṇa sañameṇa dameṇa ca divu karodi medhavi ya jara nabhimardadi. (2) 112 uťhaṇamado svadimado suyi-kamasa niśama-carino sañadasa hi dhama-jiviṇo apramatasa yaś=idha vaḍhadi. (3) 113 uťhaṇe-‘alasa aṇuťhehadu yo’i bali alasi’e uvidu satsana-sagapa-maṇo svadima praña’I maga alasu na vinadi. (4) 114 na tavada dhama-dharo yavada baho bhaṣadi yo du apa bi ṣutvaṇa dhamu ka’eṇa phaṣa’I so ho dhama-dharo bhodi yo dhamu na pramajadi. (5) 115 apramadu amuda-pada apramadu mucuṇo pada apramata na miyadi ye pramata yadha mudu. (6) 116 eda viśeṣadha ñatva apramadasa paṇido apramadi pramodi’a ari’aṇa goyari rado. (7) 117 pramada aṇuyujadi bala drumedhiṇo jaṇa apramada du medhavi dhaṇa śeṭhi va rakṣadi. (8) 118 apramatu pramateṣu suteṣu baho-jagaru avalaśa va bhadraśu hitva yadi sumedhasu. (9) 119 pramadu apramadeṇa yadha undadi paṇidu praña-prasada aruśu aśoka śo’iṇo jaṇa pravada-ťho va bhuma-ťha dhiru bala avekṣidi. (10) 120 apramadeṇa makavha devaṇa samidhi gadu apramada praśajadi pramadu gara hidu sada. (11) 121 [hi]ṇa dharma na seva’a pramadeṇa na savasi micha-diṭhi na roye’a na si’a loka-vaḍhaṇo. (12) 122 yo du puvi pramajeti pacha su na pramajadi so ida loku ohasedi abha muto va suri’u. (13) 123 arahadha nikhamadha yujatha budha-śaśaṇe dhuṇatha mucuṇo seṇa naḍakara ba kuñaru. (14) 124 apramata svadimada suśila bhodu bhikṣavi susamahida-sagapa sacita aṇurakṣadha. (15) 125 yo imasma dhama-viṇa’i apramatu vihaṣidi praha’i jadi-satsara dukhusada kariṣadi. (16) 126 ta yu vadami bhadrañu yavaditha samakada apramada-rada bhodha sadhami supravedidi. (17) 127 pramada parivajeti apramada-rada sada bhavetha kuśala dhama yoka-kṣemasa prata’a. (18) 128 te kṣema-prata suhiṇo apramada-vihari’o phuṣadi . . . . ṇa . . . . . . . . (19) 129 apramadi pramodi’a ma gami-radi-sabhamu apramato hi jayadu viśeṣa adhikachadi. (20) 130 apramadi pramodi’a ma gami-radi-sabhamu apramaoto hi jayadu kṣaya dukhasa pramuṇi. (21) 131 ………da-rada bhodha khaṇo yu ma uvaca’I khaṇadida hi śoyadi nira’eṣu samapida. (22) 132 apramada-rada bhodha sadhami supravedide drugha udhvaradha atvaṇa paga-sana va kuña. (23) 133 na’i kalu pramadasa aprati asava-kṣaye pramata duhu amedi siha bu mruya-madi’a. (24) 134 na’i pramada-samayu aprati asava-kṣayi apramato hi jayadu pranodi paramu sukhu. (25) 135 diṭha-dharma-suhatha’i sabaraka-‘ida’i ca . . rukha-prahaṇaṇi cita rakṣe’a paṇidu. (1) 136 phanaṇa cavala cita drurakṣa drunivaraṇa u . . . . . . . . . . . . . . . (2) 137a druagama eka . . . . . . . . . . . . . . . . . . . . . . . . . . . 137b vari’o va thale kṣit[o] . . . . . . . . . . . . . . . . . . . . . . . . 137c aṇuvaťhida-citasa . . . . . . . . . . . . . . . . . . . . . . . . 137d aṇuvaṣuda-citasa . . . . . . . . . . . . . . . . . . . . . . . . 138a sudu . . . . . . . . . . . . . . . . . . . . . . . . . . . . . . 138b kummovamu kaya . . . . . . . . . . . . . . . . . . . . . . . . . . 138c sa[ma]dhi . . . . . . . . . . . . . . . . . . . . . . . . . . . . . 138d samadhi muci . . . . . . . . . . . . . . . . . . . . . . . . . . . 138e [ci]teṇa vajida . .(?) yo du vi pra . . (?) tayo (?) [the remainder of the chapter is lost.] 139a . . . . . . . . . . . . . . . . . . . . . . di apa-matse va palare. 139b. . . . . . . . . . . . . . . . . . . . . . . poraṇaṇi aṇusvaru. 140 Dh . . jimi jare astu Dru . . . . . jare . . . . . . . . . . . . . . . (4) 141 yo vi varṣa-śada jivi ṣo vi mrucu-parayaṇo na kaji pari . . . . . . . . . . (5) 142 parijiṇam ida ruvu ro’a-neḍa pravhaguṇo bhetsidi pudi . . . . . . . . . . (6) 143 ko nu harṣo ki[m a]ṇano tava pa[j]va lide sado anakarasma pakṣiti pra . . . . . . (7) 144 yam eva paḍhama radi gabhi vasadi maṇavo aviťhidu so vayadi so gachu na nivatadi. (8) 145 yasa radi vivasiṇa ayu aparado si’a apodake va matsaṇa ki teṣa u kumulaṇa. (9) 146 ye vrudha ye ya dahara ye ca majima-poruṣa aṇupova[pravaya]di phala paka va banaṇa. (10) 147 yadha phalaṇa pakaṇa nica padaṇado bhayo emu jadas macasa nica maraṇado bhayo. (11) 148 yadha nadi pravadi’a rakṣavahadi kulaya emu jara ya mruca ya aya payedi praṇiṇa. (12) 149 yadha vi tadri vikadi ya yed eva odu opadi apaka bhodi votavi oharaṇaseva sadi’i,(13) 150 emam eva maṇuśaṇa [ye] y=añe sadi praṇayo ya ya i vivasadi radi mara ṇaseva sadi’i. (14)
151 sadi edi na diśadi pradu diṭho baho-jaṇo pradu eki na diśadi sadi diṭha baho-jaṇo. (15) 152 tatra ko viśpaśi maco daharo si di jividi dahara vi miyadi nara nari ca ekada. (16) 153 ayireṇa vada’i kayu paḍha’I vari śa’iṣidi tuchu avakada-viñaṇa niratha ba kaḍiģara. (17) 154 yaṇi[ma]ṇi avathaṇi ala’uṇi va śarada śagha-varṇa ṇi śiṣaṇi taṇi diṣpaṇi ka radi. (18) 155 yaṇimaṇi pravhaguṇi vikṣitaṇi ḍiśo diśa kavodaka ṇi aťhiṇi taṇi diṣpaṇi ka radi. (19) 156 imiṇa pudi-ka’eṇa adureṇa pravhaguṇa nicaśuha-vijiṇeṇa jara-dhameṇa sa vaśu nime dha parama śodhi yoka-kemu aṇutara. (20) 157 imiṇa pudi-ka’eṇa vidvareṇa . . . . nicaśuha-vijiṇeṇa jara-dhameṇa savaśu nim edha parama śodhi yoka-kṣemu aṇutara. (21) 158 imiṇa pudi-ka’eṇa viśravadeṇa pudiṇa nicaśuha-vijiṇeṇa jara-dha meṇa savaśu nimedha parama śodhi yoka-kṣema aṇutara. (22) 159 ayara jiyamaṇeṇa ḍajamaṇeṇa nivrudi nimedha parama śodhi yoka-kṣemu aṇutara. (23) 160 jiyadi hi raya-radha sucitra adha śarira bi jara uvedi sada du dharma n jara uvedi sado hi ṣa sabhi praveraya di. (24) 161 muju pura muju pachadu majadu mujubhavasa parako sarvatra vimuta-moṇaso na puṇu jadi-jara uvehiṣi. (25) 162 aroga parama labha saduṭhi parama dhaṇa vaśpaśa parama mitra nivaṇa paramo suha. (1) 163 … kitsa parama roka saghara parama duha eda ñatva yadha-bhudu nivaṇa paramo suha. (2) 164 … tra-suha-parica’i yo paśi vivulu suha cayi matra-suha dhiro sabaśu vivula suha. (3) 165 … ha’i vada jivamu usu’eṣu aṇusu’a usu’eṣu maṇuśeṣu viharamu aṇusu’a. (4) 166 suha’i vada jivamu veraṇeṣu averaṇa veraṇeṣu maṇuśesu viharamu averaṇa. (5) 167 suha’i . . jivamu kijaṇeṣu akijaṇa kijaṇeṣu maṇu.ṣu viharamu akijaṇa. (6) 168 suha’i vada jivamu yeṣa mu nasti kajaṇi kijaṇeṣu maṇuśeṣu viharamu akijaṇa. (7) 169 na ta driḍha bañaṇam aha dhira ya asa taruva babaka va sarata-cita maṇi-kuṇaleṣu putreṣu dareṣu ya ya aveha. (8) 170 eda driḍha bañaṇam aha dhira ohariṇa śiśila drupamokṣu eda bi chitvaṇa parivrayadi aṇavehiṇo kama-suhu praha’i. (9) 171 ye raka-rata aṇuvadadi sodu sa’i-gada [ma]kaḍa’o jala eda bi chitvaṇa parivrayadi aṇavehiṇo kama-suha praha’i. (10) 172 ahivadaṇa-śilisa nica vridhavayariṇo catvari tasa vardhadi ayo kirta suha bala. (11) 173 drulavhu puruṣayañu na sa savatra [ja]yadi yatra . jayadi viru ta kulu suhu modadi. (12) 174 suha śayadi muṇaya na te thiṇa va[śaṇ]u’a suha śikṣida-savasa kici teṣa na vijadi. (13) 175 suha darśaṇa ari’aṇa savaso vi sada suho adaśaṇeṇa balaṇa nicam eva suhi si’a. (14) 176 bala-saghada-cari’u drigham adhvaṇa śoyiṣu dukhu balehi savasu amitrehi va savrasi. …ra du suha-savasa ñadihi va samakamo. (15) 177 dhira hi praña ibhaye’a paṇido dhoreka-śila vadamada ari’a ….tadiśa sapuruṣa sumedha bhaye’a nakṣatra-patha va cadrimu. (16) 178 ra dhe’aro va camasa parikica uvahaṇa ya ya jahadi kamaṇa ta ta samajadi suha sarva ca suhu ichi’a sarva kama parica’i. (17) 179 pa …………… ṇeṇa [yo atva]ṇa su …..icha . ….ra-saṣaga……..[t]siṭha so duha na parimucadi. (18) jaya vera prasahadi dukhu śayadi parayidu uvaśadu sohu śayadi hitva jaya-paraya’a. (19) aṇica vada saghara upada-vaya-dharmiṇo upajiṭi nirujadi teṣa uvaśamo suho. (20) na tavada theru bhodi ya ’asa pali . . r. parivako vayu tasa moha-ji[ṇo] di[vu]cadi. (1) yo du puñe ca pave ca duhayasa na lipadi tam ahu thera bromi yasa na sadi igida. (2) kija vi daharu bhodi kaḍa-keśu śuśu yu’i vikada-chano ca kameṣu bramayari pradisvadu (3) so vada-doṣu medhavi praña-śila-sama hidu .u . . . visañuto thero di pravucadi. (4) . . karaṇa-matreṇa varṇa-pu ṣkalarṇa’i va sada-ruvu naru bhodi iṣu’i matsari śaḍhu. (5) . . . . . . . . . . . . . . . . . . . . . . . . sada-ruvu di vucadi. (6) . . . . . ṣamaṇo avradu ali’a bhaṇi icha-loha-sa mavarṇo ṣamaṇo ki bhaviṣadi. (7) . . . . va pavaṇi ta viñu śramaṇa vidu śamadhare va pa[va]ṇi śramaṇo di pravucadi. (8) baho bi ida sahida bhaṣa maṇa na takaru bhodi naru pramatu govo va ga’u gaṇa’u pareṣa na bhakava ṣamañathasa bhodi. (9) apa bi ida sahida bhaṣamaṇa dhamasa bhodi aṇudhamacari aṇuvadi’aṇu idha va horo va so bhakava ṣamañathasa bhodi. (10) anikaṣayu kaṣaya yo vastra parihasidi avedu dama-soraca na so kasaya arahadi. (11) yo du vada-kaṣayu śileṣu susamahidu uvedu dama-soraca so du kaṣaya arahadi. (12) yu metra bhavayadi apramaṇa nirovadhi taṇu sañoyaṇo bhodi paśadu vadhi-sakṣaya. (13) eka bi ya praṇa aduṭha-citu metrayadi kuśala teṇa bhodi sarve ya praṇa maṇasaṇu’abadi prahona ari’a prakarodi puñu. (14) yo sata-ṣaṇa pradhavi civirya rayerṣayu yayamaṇaṇaparyaya aśpa-veka puruṣa-veka same- paśa vaya-veka niragaḍa (15) metrasa citasa subhavidasa diṭhe va dharmi uvavaja va muṇo kala ami naṇubhavadi sarvaśo cadri pravha tara-gaṇa va sarvi. (16) yo na hadi na ghadhedi na jeṇadi na yava’i mitrisa sarva-bhudeṣu vera tasa na keṇayi. (17) yo du metreṇa citeṇa sarva-bhuda aṇu’abadi udhva tiya adho yavi yo loku aṇu’abadi (18) aparitam ida cita apramaṇa subhavida ya pramaṇa-kida karmu na ta tatra viśiśadi. (19) maṇo-puvagama dhama maṇo-śeṭha maṇo-java maṇasa hi praduṭheṇa bhaṣadi karodi va tado ṇa duhu amedi cako va vahaṇe pathi. (1) maṇo-puvagama dhama maṇo-śeṭha maṇo-java maṇo-śeṭha hi prasaneṇa bhaṣadi va karodi va tado ṇa suhu amedi chaya va aṇukamiṇi. (2) pava ma kada di śoyadi bhuyu śoyadi drugadi gado so śoyadi so vihañadi diṣpa kamu kiliṭha atvaṇo. (3) puña ma kida di nanadi bhuyu nanadi sugadi gado so nanadi so pramodadi diṣpa kamu viśudhu atvaṇo. (4) idha śoyadi preca śoyadi pava-kamu duhayatra śoyadi so śoyadi so vihañadi diṣpa kamu kiliṭha atvaṇo. (5) idha nanadi preca nanadi puña-kamo duhayatra nanadi so nanadi so pramodadi diṣpa kamu viśudhu atvaṇo. (6) pava ja puruṣu kuya na ṇa kuya puṇapuṇu na tasa chana kuvi’a dukhu pavasa ayayu. (7) puña ca puruṣu kuya kuya yo ṇa puṇapuṇu athatha chana korvi’a sukhu puñasa ucayu. (8) na apu mañe’a pavasa na me ta akamiṣadi uda-binu-nivadeṇa uda-kubho va puyadi puyadi balu paveṇa stuka-stoka bi ayaro. (9) na apu mañe’a puñasa na me ta akamiṣadi uda-binu-nivadeṇa uda-kubho va puyadi puyadi dhiru puñeṇa stoka-stuka bi ayaru. (10) kaya-kamu vayi-kamu maṇo-kama ca pavaka aseva’iti drupañu nira’eṣu vavajadi. (11) kaya-kamu vayi-kamu maṇo-kama ca bhadaka aseva’iti sapraño sukadiṣu vavajadi. (12) asari sara-vadiṇo sari asara-daśiṇo te sara nadhikachadi micha-saggapa-goyara. (13) sara du saradu ñatva asara ji asarado te sara adhikachadi same-sagapa-goyara. (14) śaru yadha drugahido hasta aṇuvikatadi ṣamaña droparamuṭho niraya uvakaḍhadi. (15) śaru yadha sugahido hasta naṇuvikatadi ṣamaña suparamuṭho sukadiṣu vakaḍhadi. (16) śuhaṇupaśi viharadu idri’eṣu asavudu bhoyaṇasa amatraño kusidu hiṇa-viryava ta gu prasahadi raku vadu rakhkṣa ba ddrubala. (17) aśuhaṇupaśi viharadu idri’eṣu sisavudu bhoyaṇaṣa ya matraño ṣadhu aradha-viryava ta gu na prasahadi raku vadu śela va parvada. (18) yadha akara druchana vuṭhi samadibhinadi emu arakṣida cata raku samadibhinadi. (19) yadha akara suchana vuṭhi na samadibhinadi emu surakṣida cita raku na samadibhinadi. (20) sujivu ahiri’eṇa kaya-śuriṇa dhakṣiṇa prakhaṇiṇo prakabhiṇa sagiliṭheṇa jaduṇa. (21) hirimada du drujivu nica śuyi-gameṣiṇo aliṇeṇa aprakabhiṇa śudhayiveṇa jaduṇa. (22) brama i bhikhu tasiṇa i pavu araha mageṇa ya apramadu cita ji balu adhava jara i suheṇa theru yama’eṇa treḍaśa. dhama-pridi suhu śayadi viprasaneṇa cedaso ari’a-pravedidi dharmi sada ramadi paṇidu. (1) yatha vi rada gammiro viprasano aṇavilo emu dhamu ṣuṇitvaṇa viprasidadi paṇida. (2) sarvatra ya sapuruṣa vivedi na kama-kama lavayadi dhira suheṇa phuṭha adhava duheṇa na ucavaya paṇida daśayadi. (3) atmaṇam eva pradhamu pradiruvi niveśa’i tadañi aṇuśaśe’a na kiliśe’a paṇidu. (4) aṣadhehi kradavehi phiśuṇehi vivhuda-nanahi sakha na kari’a paṇido saģadi kavuruṣehi paviya. (5) ṣadhehi ya peśalehi ya śilavada yi bahoṣudehi ya sakha kuvi’a paṇido sagadi sapuruṣehi bhadi’a. (6) anuśaśadi ovadadi asabhe hi navara’i paṇidaṇa pri’o bhodi balaṇa bhodi apri’o. (7) nisedara pravatara yo paśi vaji-daśaṇa nigiśa-vadi medhavi tadiśa paṇada bhayi tadi bhayamaṇaṇa ṣeho bhodi na pavi’u. (8) ka’ena kuśala kitva vaya’i kuśala baho maṇeṇa kuśala kitva apramaṇa nirovadhi avavaji suhi loke paṇidu uvavajadi. (9) yavajiva bi ya balu paṇida payuvasadi neva dhamu vi’aṇadi praña hisa na vijadi. (10) muhuta bi ya viñu paṇada payuvasadi so du dhamu vi’aṇadi praña hisa tadovi’a. (11) na abhaṣamaṇa jaṇadi miṣa balehi paṇida bhaṣamaṇa du jaṇadi deśada amuda duduhi. (12) deśehi joda’i dhamu uṣivi iṣiṇa dhayu subhaṣida-dhaya hi iṣayu dhamo ha iṣiṇa dhayu. (13) poraṇam ida adura na ida ajetaṇa iva ninadi tusi-bhaveṇa ninadi baho-bhaṇiṇo mana-bhaṇi vi ninadi nasti loki anini’a. (14) praśaja śaśvada nasti nina nica na vijadi tasa nina-praśajaṣu na sammijadi paṇida. (15) śelu yadha eka-khaṇo vadeṇa na sabhijadi emu nina-praśajaṣu na sammijadi paṇida. (16) ekada ninido prodhu ekada ji praśajidu na i aha na i bheṣida na yi edarahi vijadi. (17) yo nu ho viña praśajadi aṇu’ija śuhaśuha achidra-vuti medhavi praña-śila-sasmahida. (18) nikhu jabodaṇaseva ko ṇa ninidu arahadi deva mi ṇa praśajadi bramoṇa vi praśajidu. (19) ayo’a va na jaṇadi micha-viṇayadu iva avija’i va samu śa budhaṇa va adaśaṇi. (1) aṇuyo’a du jaṇadi same-viṇi’adu iva yoṇiśa viyiṇi dhama sevamaṇa bahoṣuda. (2) duha’eṇa i artheṇa sevidavi bahoṣuda suhiṇa uyidatheṇa nica kicha-kadeṇa ca. (3) prahodi duhiṇo dokhu avaṇedu bahoṣuda katha’i paḍiruva’i bhaṣamaṇa puṇa-puṇu. (4) suhidasa vi pramoju jaṇayadi bahoṣuda deśada amuda dhamu dukha-vaśama-kami’a. (5) śimada maha-praña dharmakama –bahoṣuda bhayidavi saprañeṇa bhuyasa bhorim ichadu. (6) bahuṣuda dhama-dhara sapraña budha-ṣavaka śrudi-viñati akakṣu ta bhaye’a tadhavidha. (7) sabhir ava samase’a sabhi kuvi’a sadhavu sada sadharmu aña’i sarva-dukha pramucadi. (8) yadha akara suchana praviśi tamasarṇudu vjiamaṇa vi ruveṣu cakhkṣuma vi na paśadi (9) emam eva idh=ekacu jadima vi ca yo naro aṣutva na vi’aṇadi dhama dhama kalaṇa-pavaka. (10) pradiveṇa nu ruvaṇi yadha paśadi cakhkṣuma emu ṣutva vi’aṇadi dhama kalaṇa-pavaka. (11) suṣuda ṣuda-vaḍhaṇa ṣuda prañaya vaḍhadi praña artha viśodhedi artha śudho suhava’u. (12) so artha-ladhu medhavi praña-śila-samahidu ṣuda-dhamu suyi-drakṣu panodi paramu suhu. (13) nica hi avi’aṇada caradi amara viva sadhama du vi’aṇada āḍūṛāṣêṅā śadvari. (14) kim añatra aṣamaṇadha dhamaseva adaśaṇe eva apasa jividi vera kuyadi keṇa’i. (15) ye śāśaṇa arahadu ari’aṇa dhama-jiviṇo paḍikośadi drumedho diṭhi ṇiṣa’i pavi’a phalaṇi kaḍakaseva atva-kaña’i phaladi. (16) ekasaṇa eka-saya eka-‘iya’i savudu eku ramahi atvaṇa arañi eka’o vasa. (1) yasa ṣadha i praña ya viya otrapi’a hiri so ho maha-dhaṇa bhodi moham aña baho dhaṇa. (2) na sadi putra traṇa’i na bho’a na vi banava adeṇa abhiduṇasa nasti ñadihi traṇadha. (3) druprava’i dru’abhiramu dru’ajavasaṇa ghara dukhu samaṇa-savaso dukhaṇuvadida bhava. (4) kiche maṇuśe-pradilabhu kicha macaṇa jivida kiche sadhama-śramaṇa kiche budhaṇa upaya. (5) sukaraṇi asadhuṇi atvaṇo ahidaṇa yi ya du hida ji sadhu ji ta gu parama-drukara. (6) apaṇatha paratheṇa na kudayiṇo have’I atvatha paramu ñatva svakatha-paramu si’a. (7) ayo’i yuji atvaṇa yo’aseva ayujadu atha hitva pri’a-gaha svihadi arthaṇupaśiṇo. (8) nedi hi mahavira sadhameṇa tadhakada dhameṇa ne’amaṇaṇa ka y-asu’a vi’aṇadu. (9) ali’a bhaṣamaṇasa avakamadi devada muha ji pudi’a bhodi saga-ťhana i bhatsadi. (10) abhuda-vadi naraka uvedi yo ya vi kitva na karodi āha uvha’i ami preca sama bhavadi nihiṇa-kama maṇuya paratri. (11) catvari ťhaṇaṇi naro pramatu avajadi para-darovasevi amuña-labha ani’ama’saya nina tridi’a niraya ca’uťha.(12) na pareṣa vilomaṇi na pareṣa kidakida atvaṇo i samikṣe’a samaṇi viṣamaṇi ca. (13) supaśi vaja añeṣa atvaṇo maṇa drudaśa pareṣa eṣu vajaṇa upuṇadi yatha busu atvaṇo maṇa chadedi kali va kidava śaḍha. (14) alajidavi lajadi lajidavi na lajadi abhayi bhaya-darśavi bhayi abhaya-darśaṇo michadithi-samadaṇa satva gachadi drugadi. (15)
kothu jahi viprayahe’a maṇa sañoyaṇa savi adikame’a ta nama-ruvasa aṣajamaṇa akijaṇa naṇuvadadi dukhu. (1) yo du upadida kodhu radha bhada va dhara’i tam aho saradi bromi rasvi-ggaha idara jaṇa. (2) ya gu na prasahadi kudhu no yasa kuradi vaśa so hu rakṣadi atvaṇa nineva navaciṭhadi. (3) akodhaṇasa vidi ťhida-dhamasa rayiṇo suhu puruṣu ase’a śida-chade va sva ghari. (4) uṣavha viva go-saģi śilamadu akodhaṇo baho ṇa payuvasadi rayaṇa viva dhami’a. (5) hasti va muya-jadaṇa śela hemavañ iva sakaro va śravadiṇa adico tavada-r-iva khaṇa-khaṇi tidikṣe’a kodhu rakṣe’a atvaṇi. (6) jiṇa kodha akotheṇa asadhu sadhuṇa jiṇa jiṇa kradava daṇeṇa saceṇa ali’a jiṇa. (7) saca bhaṇi na kuve’a daya apadu yayida edehi trihi ťhaṇehi gacha devaṇa sadi’i. (8) kudhu atha na jaṇadi kudhu dhamu na paśadi anu tada tamu bhodi ya kodhu sahadi naru. (9) ma sa kodhu pramuje’a dukhu kodhasa avaraṇa mahoru mañati sadhu pacha tavadi kodhaṇo. (10) nakara aťhi-pakara matsa-lohida-levaṇa yatra rako ya doṣo ya maṇo makṣo samokadu. (11) makṣi’a matsari bhodi prahata bhodi gadhavo kodhaṇo su’aro bhodi ma sa kuju kumaraka. (12) suradu bhodi bhadrañu surado suho modadi suradasa a’i dhamu edha paśadha tadiṇo. (13) soracasa phala paśa tava kichaṣu jadiṣu yatra edadiśo sadu surado di na hañadi. (14) ki nu jatva suho śayadi ki nu jatva na śoyadi kisa nu eka-dhamasa vadha royeṣi godama. (15) kodhu jatva suha śayadi kodhu jatva na śoyadi kodhasa viṣa-mulasa masuragasa bramaṇa vadha ari’a praśajadi ta ji jatva na śoyadi. (16) yatha vi ruyida puṣu vaṇama da agana’a emu subhaṣi da vaya aphala . . akuvadu. (1) yatha vi ruyida puṣu vaṇamada sagana’a emu subhaṣida vaya saphala bhodi kuvadu. (2) yatha vi bhamaru puṣpa vaṇa-gana aheḍ’i paridi rasam ada’i emu gami muṇi cara. (3) yada vi puṣpa-raśi sa kuya mala-guṇa baho emu jadeṇa maceṇa katavi . . . . . (4) puṣani ye va payiṇadu vasita-maṇasa nara sutu gamu mahoho va ada . . . . . . (5) . . . . pradivada vayadi na mali’a takara canaṇa va sadaṇa gano pradivada va’idi sarva diśa sapuruṣo pada’idi. (6) . . . . . . ya vi . . . . . . . . . . . gana-ja[da]ṇa śila-gano ivutama. (7) . . . baṇa-śilaṇa apramada-vihariṇa samadaña-vimutaṇa ga di maro na vinadi. (8) vaṣ’a yatha puṣaṇa poraṇaṇi pra mujadi emu raka ji doṣa ji vipramujadha bhikṣavi. (9) uchina siṇeha atvaṇo kumudu śaradaka ba pra ṇiṇa śadi-magam eva broha’i nivaṇa sukadeṇa deśida. (10) pheṇovamu kayam ida viditva mariyi . . . . bhuda’i chetvaṇa marasa papavuṣe’aṇa a . . . . . . (11) . . . . . . . . [yama-loka ji]ida sadevaka ko dhama-pada sudeśida kuśala puṣa viva payeṣidi. (12) budhu pradha . . . ṣidi yama-loka ji ida sadevaka budhu dhama-pada sudeśida kuśala puṣa viva payiṣidi. (13) yadha sagara-‘uḍasa ujidasa maha-pathe padumu tatra ja’e’a suyi-gaña maṇoramu (14) e[mu] saghasa-dhama’u aña-hodi prudhijaṇe abhiroyadi praña’i same-sabudha-ṣavaka. (15) yo sahasa sahasaṇi sagami maṇuṣa jiṇi eka ji jiṇi atvaṇa so ho sagamu utamu. (1) sahasa bi ya vayaṇa aṇatha-pada-sahida eka vaya-pada ṣevha ya ṣutva uvaśamadi. (2) [yo ja]vaya-śada bhaṣi aṇatha-pada-sahida eka vaya-pa[da]ṣehu ya ṣutva uvaśamadi. (3) . hasa bi ya gadhaṇa aṇatha-pada-sahida eka gadha-pada ṣebha ya ṣutva uvaśamadi. (5) masa-masi sahasiṇa yo ya’e’a śadeṇa ca nevi budhi prasadasa kala avedi ṣoḍaśa. (6) masa-mase sahaseṇa yo ya’e’a śadeṇa ca neva . . prasa . sa kala avedi ṣoḍaśa. (7) masa-masi sahasiṇa yo ya’e’a śadeṇa ca neva saģi prasadasa kal avedi ṣoḍaśa. (8) masa-masi sahaseṇa yo ya’e’a śadeṇa ca neva saghasa-dhameṣu kala avedi ṣoḍaśa. (9) masa-masi sahaseṇa yo ya’e’a śadeṇa ca . . . . . . teṣu kala avedi ṣoḍaśa. (10) masa-masi sahaseṇa yo ya’e’a śadeṇa ca eka-paṇaṇu’abisa kala navedi ṣoḍaśa. (11) ya ja vaṣa-śada jivi kusidhu hiṇa-viyava muhutu jivida ṣevha virya arahado driḍha. (12) ya ji vaṣa-śado jivi apaśu udaka-vaya muhutu jivida ṣevha paśaho udaka-vaya. (13) ya ja vaṣa-śada jivi apaśu dhamu utamu mohotu jivida ṣehu paśadu dhamu utamu. (14) ya ja vaṣa-śada jadu agi pariyara vaṇi kṣireṇa sapi-teleṇa diva-ratra atadrido (15) eka ji bhavidatvaṇa muhuta viva puya’i sameva puyaṇa ṣevha ya ji vaṣa-śada hodu. (16) ya keja yaṭha va hoda va lake savatsara yayadi puña[ve]kṣa sava bi ta na cadu-bhaku vedi ahivadaṇa uju-kadeṣu ṣiho. (17) śilamadu suyi-drakṣo dhama-ťho sadhu-jivaṇo atvaṇo karako sadu ta jaṇo kuradi pri’u. (1) ṣadhu śileṇa sabaṇo yaśa-bho’a-samapidu yeṇa yeṇeva vayadi teṇa teṇeva puyidu. (2) yo natva-hedu na parasa hedu pavaṇi kamaṇi samayare’a na ichi a . . [sa]midhi atvaṇo so śilava paṇidu dhami’o si’a. (3) sañadu sukadi yadi drugadi yadi asañadu ma sa viśpaśa avaja ida vidva samu cari. (4) savudu pradimukhasa idri’eṣu ya pajaṣu pramuṇi aṇupruviṇa sava-sañoyaṇa-kṣaya. (5) śudhasa hi sada phagu śudhasa posadhu sada śudhasa suyi . . . tasa samajadi vada. (6) dhamu cari sucarida . . drucarida cari dhamayari suha śedi asvi loki parasa yi. (7) aho nako va sagami cavadhivadida śara adivaka tadikṣami druśilo hi baho-jaṇo. (8) yasa acada-druśili’a malu’a va vilada vaṇi kuya so tadha [a]tvaṇa yadha ṇa viṣamu ichadi. (9) . . [a]yo-kuḍu bhuta tata agi-śi hovamo . . . . . [bhu]je’a raṭha-piṇa asañadu. (10) ida ja mi keca ida ji kari’a ida kari . . . . . . . . . . . . pariphanamaṇa abhimadadi muca-jara sośo’a. (1) idha vaṣa kariṣamu idha hemada-gi . . . . . . . . . . . . . . . . . . (2) ta putra-paśu-samadha . . . . . . . . sutu ga . . . . . . . . . . . . . (3) puve i kica paḍijagare’a no yo kici kica-kale vade’a ta tadiśa paḍikama kica-kari no i kica kici-‘ali vade’a. (4) ya puvi karaṇi’aṇi pacha ṣa katu ichadi athadu batsadi balu suhadu parihayadi. (5) akida kuki da ṣehu pacha tavadi drukida kida nu sukida ṣeho ya kitva naṇutapadi. (6) ya gu kuya ta vadi’a . . . . . . . ‘a akaroda bhaṣama[ṇa] . . . . . . . . (7) ya kica ta a . . . . . . . . kiyadi unaḍaṇa prama[taṇa] . . . . . . . . asava teṣa vaḍhadi ara te asava-kṣa[ya]. (8) yeṣa du susamaradha nica kaya-kada svadi . . . . . . . . . . . . . . . . sadaṇa sabrayaṇaṇa taṣa kṣayadi . . . (9) [the end of the chapter is marked, but thefigure giving the number of stanzas is lost.] . . . . . . . . . . . . . . . . . . . . . . . . atva-dada tada vara. . . . . . . . . . . . . . . . . . . . . . . . . . . [dade]ṣu gachadi. [the remainder of the chapter is lost.] adikradaya ratri devada uvasagrami vaditva muninu pada imi praśaṇa pradiprocha. ki-śila ke-samacara ke-guna kena karmaṇa kehi darmehi sabana ke jaṇa sparga-ģamiyu. |
|